شەفەق/ سەرچەوەیگ ئەمنی وەرپرس، ئمڕوو چوارشەممە، خەوەردا ک چەکدارەیلیگ نەناسریاگ مەزەنە کریەێد لە ریخریاگ داعش بوون، شوانیگ لە ئاواییگ لە مووسڵ رفانن.
سەرچەوەگە ئەرا ئاژانس شەفەق نیوز وت: نەناسریایلیگ شوانیگ لە ئاوای بالانیان لە قەزای مەخموور رفانن، و دیاری کرد ک بڕفتەیل پەیوەندی وە خاوەن شوانەگە کردن و داوای ١٢٠ هەزار دۆلار کردن.
سەرچەوەگە دیاری کرد ک ووردەکاریەیل رووداوەگە تا ئیسە نەزانریاگە، باوجی رفیایەگە پەیوەندی وە خیزانەگەی کرد و خەوەر داوایل بڕفتەیل وەپیان رەسان.