شەفەق نیوز/ سەرچەوەیگ ئەمنی لە نەینەوا، ئمڕوو دووشەممە، خەوەردا لە دوو پەلامار لە شوون یەک لەلایەن ئەندامیلیگ لە داعش لەبان هێزەیگ پەکەکە و سوپای عراق لە کویەی مەخموور لە باشوور پارێزگاگە.

سەرچەوەگە ئەرا ئاژانس شەفەق نیوز وت: کۆمەڵەی چەکداریگ لە ئەندامەیل داعش، شەوەکی ئمڕوو، پەلاماریگ دژوە هێزیگ لە پەکەکە لە نزیک ئاوای ئازی کند لە کویەی مەخموور کردن، و دیاریکرد  ک هێزیگ لە پەکەکە نواگیر پەلامارەگە کرد

سەرچەوەگە دیاریکرد ک پەلاماریگ تر لەلایەن ئەندامەیل داعش لە تەوەریگ تر دژوە سوپای عراق لە دەورگرد کویەی مەخموور کریا، و دووپاتکرد ک هیچ زەخمداربوینیگ لە هەردوگ پەلامارەگە نەویەو.