شەفەق نيوز- بەغداد 

ئەنجومەن دادوەری باڵا، ئمڕوو یەکشەممە، رێککەفتن لەبان گرنگی جیوەجیکردن یاسای دەزگای پرسیارکردن و دادپەروەری وەشیوەی هویردیگ، و قەیەغەکردن رەسین ئەوانەگ پەیوەندی وە حزب بەعس دیرن بانە ژیر گومەزی پەرلەمان.

   راگەیانن ئەنجومەن لە بەیاننامەیگ رەسیە ئاژانس شەفەق نیوز وت: ئەنجومەن دادوەری باڵا میوانداری گردەوبوینیگ و سەرۆکایەتی دادوەر فائق زەیدان کرد، وە ئامادەبوین جیگرەیل سەرۆک دادگای فیدڕاڵی، دادوەر کازم عەباس سەرۆک دەسەی دادوەری ئەرا تانەدان وە بڕیارەیل دەزگای پرسیارکردن و دادپەروەری، و دادوەر حەسەن فوئاد سەرۆک دەسەی دادوەری تانەدان وە بڕیارەیل ئەنجومەن کۆمسیۆن هەڵوژاردن، وەگەرد دادوەر باسم بەدری سەرۆک دەسەی نیشتمانی باڵای پرسیارکردن و دادپەروەری و بڕیگ لە ئەندامەیل دەزگاگە.

بەیاننامەگە وتیش: لە دیدارەگە باس ریکارەیل دەزگای پرسیارکردن و دادپەروەری لەباوەت هەڵوژاردن پەرلەمان هاتگ کریا، و رێککەفتن لەبان جیوەجیکردن یاساگە وەشیوەی هویردیگ، و قەیەغەکردن رەسین ئەوانەگ پەیوەندی وە حزب بەعس دیرن ئەرا پەرلەمان، و ریکارەیل دەزگاگە ئاشکرا بوود، و ری تەبەت ئی باوەتە ئەرا کارەیلیگ وەکار بارن کە لەناو یاساگە نییە.