شەفەق نیوز ـ بەغدا
سەرچەوەیگ ئاگادار، ئمڕوو چوارشەممە، خەوەردا کە دادگای تاوانەیل بەغدا/کەرخ حوکمیگ دەرکرد کە بڕیار لە بیتاوانی عەباس یەعقووبی دەێد، کە وەرپرس هەواڵگێرییە لە سەرکردایەتی ئۆپەراسیۆنەیل پشتێن بەغدا لە دەسەی حەشد شەعبی، لەو توومارەیلە کە دریانە پاڵی.
سەرچەوەگە وە ئاژانس شەفەق نیوز وت: بڕیارەگە دویای ئیسفاکردن لەو توومەتەیلە کە دریانە پاڵ یەعقووبی هات، و لە نوای گشتی تێوەگلان لە تیرۆرکردن عەقید نەبراس فەرمان شەعبان فەیلی، وەڕێوەبەر نوسینگەی دەزگای هەواڵگێری نیشتمانی عراق لە لای رەسافە، کە وە پەلامار چەکداری لە ساڵ 2021 کوشیا.
سەرچەوەگە دووپاتکرد، دادگا بیتاوانی یەعقوبی دەرخست لەوەر نەبوین چەسپانن بەڵگەیل، وەگەرد ئازادکردنی ئەگەر لە دۆسیەیل ترەک داواکریاگ نەوی.