شەفەق نیوز/ ئەنجومەن دادوەری عراقی، ئمڕوو پەنجشەممە، راگەیان دەرچگن یادداشت دەسگیرکردن لە دادگای لێکۆڵینەوەی رەسافە، لەبان سەرۆک وەسەرچگ ئەمریکی دۆناڵد تڕامپ، لە لێکولینەوەی تایبەت وە کوشتن ئەبو مەهدی موهەندس فەرماندەی هێزەیل حەشد شەعبی وە گورزیگ ئەمریکی لە بەغداد وەگەرد جەنیڕاڵ ئیرانی قاسم سولەیمانی.

بەیاننامەی ئەنجومەنەگە وت: دویای ئەوە ک دادوەر دادگای لێکۆڵینەوە لە رەسافە قسەیل داواکەرەیل ماف کەسایەتی لە کەسەیل خیزانەگەی لە رووژ ٧ کانون دوویەم ٢٠٢١ نووسان، و ریکارەیل لێکۆڵینەوە سەرەتایبەگە تەواو بوی، بڕیار دەرکردن یادداشت دەسگیرکردن دژوە دۆناڵد تڕامپ دەرکرد.

ودیاریکرد ک بڕیارەگە لە بنەمای فەرمانەیل مادەی ٤٠٦ لە یاسای سزاگان عراقی دەرچگە، و ئەوەسا ریاکرەیل لێکولینەوەگە ئەرا زانستن ئەو بەشدارەیل لە جیوەجیکردن ئی تاوانە وەردەوام بوود چ عراقی بوون یا بیگانە.