شەفەق نیوز/ فەرمانگەی تاپوو دەوڵەت لە پارێزگای زیقار راگەیان، وەزارەت دارایی فیدرالی رەزامەنی دایە لە دابینکردن زەوییگ ئەرا کارخانەی " جیاکردن و دوارە وەکارهاوردن زواڵە".
بەڵگەنامەیگ لە وەزارەت داریی دەریکردیە کەفتە دەس ئاژانس شەفەق نیوز وت: " وەزیر دارایی عەلی عەلاوی، رەزامەندی دایە لە دابینکردن پارچە زەوییگ وە روبەر 87 دۆنم ئەرا کارخانەی جیاکردن و دوارە وەکارهاوردنەوەی زواڵە لە پارێزگای زیقار، وتیش، " پارچەگە جویر دەرفەتیگ بەرهاوردن پیشکەش کریەێد".
لە بەڵگەنامەگە ئاشکەرایکردیە، وەزارەت دارایی هویچ لێکەفتەیگ دارایی و یاسایی نیەگرێدە خوەی لە وەخت ناڕەزایی هەر لایەنیگ لە لایەنیل کەرتی، لەوانەیش ئەمیندار گشتی ئەنجومەن وەزیران/ لیژنەی دابینکردن زەوی وەگەرد چاکسازی رەگەز.
پەیامنیر ئاژانسەگە دیاری کرد، ئی کارخانە یەکەم جویرە لە عراق، کارکەێد ئەرا دابینکردن 4000 دەرفەت کار ئەرا هاوڵاتیەیل زیقار.