شەفەق نیوز/ سەرچەوەیگ ئەمنی لە پارێزگای دیوانیە، ئمڕوو چوارشەممە، خەوەردا لە کوشیان کەسیگ لەناوماڵ  لەناوەن پارێزگاگە لە باشوور عراق.

سەرچەوەگە وە ئاژانس شەفەق نیوز راگەیان، "کابرایگ سی ساڵان وە گولەلەناو ماڵ خوەیان کوشیایە لە قەزای شامیە سەر وە پارێزگای دیوانیە وە مدوو وەردەوەردە وەگەرد کەسوکاری".

سەرچەوەگە وتیش "هێزەیل ئەمنی ئاخڵەی شوین رویداوەگە دان، تەرمەگە ئەرا پزیشک دادوەری کلکردن لێکۆڵینەوە لە رویداوەگە وازکریا "دیاریکرد "یەکیگ لە توومەتبارەیل رویداوەگە دەسگیرکریا".

لەهەمان وەخت، پۆلیس لای رەسافە لە بەغدای پایتەخت راگەیان، توەنستنە رفیاییگ ئازادبکەن و ‌  بڕفنەگەیش دەسگیربکەن.

پۆلیس لە بەیاننامەیگ راگەیان "ئۆپراسیۆنەگە لە ئەنجام کاریگ هاوبەش لەناوەین دەزگایەیل ئەمنی ناوچەی زەعفرانیە کریا وە پشت بەسان وە زانیاریەیل هویردیگ کە نیشاندا توومەتبار ها وەناو یەکیگ لە ماڵەیل و دەسگیرکریا و رفیایەگە ئازادکریا" دیاریکرد "توومەتبارەگە وشیوەی فەرمی رادەس نویسینگەی بەڕەنگاربوینەوە کریا".