شەفەق نیوز/ سەرچەوەیگ ئەمنی لە زیقار، ئمڕوو شەممە، خەوەردا ک دەسکاریکردن دەوانچە کۆتایی وەژیان کوڕیگ هاورد، وەدەس دویەتیگ مناڵ لە یەکیگ لە ناوچەیل پارێزگاگە.
سەرچەوەگە ئەرا ئاژانس شەفەق نیوز وت: کوڕیگ لە تەمەن ١٣ ساڵان، وەدەس خوەشکەگەی لە تەمەن ٥ ساڵان گیانی لەدەسدا، هەنای دەسکاری دەوانچەیگ کرد ک لەناو ماڵەگەیان بوی، لە قەزای شەترە.
سەرچەوەگە دیاری کرد ک قوربانیەگە یەک گولە لە دوانچەگە دریا لە سەری، ک وەکوتپڕ گیانی لەدەسدا، و هیزیگ ئەمنی لێکۆڵینەوە لە رویداوەگە واز کرد.