شەفەق نیوز ـ بەغدا

پیای و ژنیگ، ئمڕوو دووشەممە، وە گولە لەناو ماڵ خوەیان کوشیان لە ناوچەی حی بەساتین ناوچەی شەعب باکوور بەغدا، هێزە ئەمنیەیل چوار کەس لە توومەتبارەیل دەسگیرکردن و دەسگردن وەبان سێ دەوانچە وەپیان.

سەرچەوەیگ ئەمنی وە ئاژانس شەفەق نیوز وت، چەکدارەیل تەقە لە ژن و پیایە کردنە لەناو ماڵ خوەیان، لە ئەنجام هەردوگیان گیان لەدەسدان.

سەرچەوەگە وتیش؛ هێزەیل ئەمنی رەسینە شوین رویداوەگە و توەنستن باوگ قوربانیەگە و برا و کوڕ میمگەیلی دەسگیربکریەن و ئەرا زندان کلریان وەرد دەسگردن وەبان سێ دەوانچە کە وەپیان بوی.