شەفەق نیوز/ وەرخودان ئیسلامی لە عراق، شەفەق ئمڕوو سێشەممە، راگەیان کە پەلامار ئامانجیگ گرنگ لە ئوم رەشراش (ئیلات) باشوور ئیسرائیل داگە وە فڕۆکەی بێفڕۆکەوان.
لە بەیاننامەیگ لەبان تیلیگرام وت: لە وەردەوامی ریڕەوی ئیمە لە وەرخودان داگیرکاری و پاڵپشتیکردن خەلکمان لە فەلەستین و لوبنان، و لە وەڵامدان وەبان ئەو کوشتارەیلە وەلایەن قەوارەی داگیرکەر وەبان مەدەنییەیل لە ژن و مناڵ و پیرەیل، موجاهیدەیل وەرخودان ئیسلامی لە عراق پەلامار ئامانجیگ گرنگ لە ئیلات داگیرکریای وە فڕۆکەی بێفڕۆکەوان جیوەجی کردن.
دووپات کرد لە وەردەوامی ئۆپراسیۆنەیلی وەشیوەیگ وەردەوام، و پارچە ڤیدیۆی وەشانن فرۆکەی بێفڕۆکەوانەگە بڵاو کرد.