شەفەق نیوز/ سەرچەوەیگ ئەمنی لە سەڵاحەدین خەوەردا لە زەخمداری چوار مەدەنی وە مەرافیگ لە مابەین دوو خیزان لە دوزخورماتوو، و کوشیان کەسیگ و زەخمداری دووکەسیش وە دەگەی هوزانە لە پارێزگای میسان.

  سەرچەوەگە وە ئاژانس شەفەق نیوز خەوەردا، "4 مەدەنی تویش زەخمداری بوینە لە ئەنجام مەرافیگ لە مابەین دوو خیزان لە ناوچەی گەرەگ تین لە نزیک گەراج بەلەدیە"، وتیش،"مەرافەگە رەسیەس وە وەکارهاوردن چەک".

وتیش" هیزەیل پۆلیس لە شوین رویداوەگە ئامادە بوینە مەرافەگە کپەوکردنە و لێکۆڵینەوە لە رویداوەگە وازکردنە".

سەرچەوەیگتر لە میسان وە ئاژانسەگەمان خەوەردا" دەگەیگ هوزانە لە ناوچەی ماجدیە لە ناوڕاس شار عەمارە ناوەن پارێزگاگە رویدایە، وە کوشیان کەسیگ(رانەندەی توک توک) و زەخمداری دوو کەس ک پەیوەندی وە رویداوەگە نەیرن کۆتایی هاتیە".

سەرچەوەگە دیاریکرد، " لایەنەگە ئەرا شوین نادیاریگ وایە، دەزگایەیل ئەمنی تەرمەگە ئەرا پزیشک دادوەری کلکردنە و زەخمدارەیلیش ئەرا چارەسەرکردن بریانە خەسخانە".