شەفەق نیوز/ وەزارەت کەهرەبا، ئمڕوو یەکشەممە، ئاشکراکرد لە دەرچگن کتاویگ فەرمی ئەرا زیایبوین شایستەیل وەزارەتەگە ئەرا ٩٠٥ ملیار دینار لە بوودجە گشتیەگەی ساڵ ٢٠٢٠ ، وئاماژەکرد ک ئەوسا مووچەیل فەرمانبەرەگان وەگریەبەسی لەدویای بڕیارداین بوودجەگە خەرج کریەن.
ئەحمەد موسا قسەکەر وەناو وەزارەتەگە ئەرا ئاژانس شەفەق نیوز وت: وەزارەت دارایی کتاو فەرمییگ ئەرا ئەمینداریەتی گشتی ئەنجومەن وەزیران بەرزەوکرد ئەرا زیایکردن شایستەیل وەزارەت کەهرەبا ئەرا ٩٠٥ ملیار دینار، وتیش؛ شایستە داراییەگان وەزارەتەگە وەرجەیە ٥٤٧ ملیار بوی لە ساڵ گوزەیشتە.
وتیش؛ ئەمینداریەتی گشتی ئەنجومەن وەزیران کتاویگ فەرمی رەوانەکرد ئەرا وەزارەت کەهرەبا وە ئاڵشتکردن گریەبەسیە بەرهەمهاوردەگان ئەرا وەکارخستن، و ئی بڕیارە لەدویای بڕیاردان بووجدگە گشتیەگە کەفێدە جیوەجی کردن.
موسا دیاریکرد ک وە بڕیاردان بوودجە گشتیەگە لەلایەن ئەنجومەن وەزیران و پەرلەمان، خەرج مووچەی فەرمانبەرەگان وە گریەبەسی و کراگان لە وەزارەت کەهرەبا وەمانگانە کریەێد.