شەفەق نیوز- سلێمانی

سەرۆک سەندیکای بارفرۆشی سلێمانی، سەروەر عەلی، رووژ چوارشەممە، ئاشکرا کرد لە بەرزەوبۊنیگ دیار لە نرخەیل سەوزە و میوەی هاوردەکریاگ لە ماوەی دوو رووژ گوزەشتە، لە ئەنجام بەرزەوبۊن نرخ سەرفکردن دۆلار لە وەرانوەر دینار عراقی، و ئەوەگ وەردی هات لە زیایبۊن لە خەرج هاوردەکردن و بارکردن.

عەلی، ئەرا ئاژانس شەفەق نیوز وت، کە "نرخەیل شمارەیگ لە سەوزە و میوەی هاوردەکریاگ بەرزەوبۊنیگ وەخوەیەو دی لە ماوەی دوو رووژ گوزەشتە، وە وەختیگ نرخ یەک کیلۆگرام پەتاتە نزیکەی 200 دینار بەرزەو بۊ، لە وەختیگ زیایبۊنەگە لە نرخەیل جۊرەیل ترەک هاوردەکریاگ ها لە ناوەین 50 تا 100 دینار، لە بەراورد وە نرخەیل وەرینیان".

دیاری کرد کە "بەرزەوبۊنەگە وە شیوەیگ تایبەت ئەو بەرهەمەیلە گرتەو کە لە ئیران و پاکستانەو هاوردە کریانە، لە ئەنجام کاریگەربۊین مامەڵە بازرگانییەیل وە شڵەژانەیل نرخ سەرفکردن دۆلار، وە تایبەت کە فرەی ئۆپەراسیۆنەیل هاوردەکردن وە دراوە بیگانەیلەو بەسریانە".

وتیش کە "بەرزەوبۊن دۆلار لە وەرانوەر دینار عراقی رەنگ داسەو لەبان مامەڵە بازرگانییەیل وەرد ئیران، چۊنکە بۊە مدوو ئاڵشتکاری لە بەهای تمەن ئیرانی لە وەرانوەر دۆلار، کە کاریگەری خستە بان خەرج سەنین کاڵایەیل و بارکردنیان لەڕی دەروازە سنوورییەیلەو ئەرا بازاڕەیل سلێمانی".

 عەلی وتیش کە "دەرئەنجامەیل بەرزەوبۊن نرخ سەرفکردن تەنیا لەبان نرخەیل سەنن بەرهەمە هاوردەکریاگەیل نەوەسیا، بەڵکم کیشیاسەو ئەرا کرای بارکردن لە ناوەین ناوچەیل و دەروازە سنوورییەیل، ئەو کارە کە بەشداری کرد لە زیایبۊن نرخەیل لەناو بازاڕەیل بارفرووشی".

و لەباوەت دەور سەندیکا لە چەودیاریکردن نرخەیل، سەرۆک سەندیکای بارفرووشی سلێمانی دووپات کرد، کە "سەندیکا نیەتۊنێد دەسوەردەداین بکەێد لەو بەرزەوبۊنەیلە کە لە ئەنجام شڵەژانەیل نرخ سەرفکردن دۆلار پەیا بوون، وە هەژمارکردنیان کە بەسریانە وە سیاسەتە نەختینەییەیل و بڕیارە حکومەتییەیل، و لە ئەنجام ریکارەیل ناوخۆیی یا کارەیل بازرگانەیل نیین".

 عەلی وەردەوام بۊ، و وت کە "دەسوەردەداین سەندیکا ئەو وەختە توانا دیرێد کە ئاڵشتکارییەیل نرخەیل بەسریانە وە هۆکارەیل خستنەڕوی و داواکاری لەناو بازاڕە ناوخۆییەیل، ئەما ئەو بەرزەوبۊنەیلە کە لە ئەنجام ئاڵشتکاری نرخ دراوەیل و خەرج هاوردەکردن پەیا بوون، چارەسەرکردنیان خوازیار ریکارەیلیگە لەبان ئاست حکومەتی".