شەفەق نیوز/ ئیدارەی فرۆکەخانەی ناودەوڵەتی بەغدا لە بەیاننامەیگ راگەیان جویلەیل کاروانەیل ئاسمانی لەناو فرۆکەخانەگە دەسوەپیکردیە وە شیوازیگ سروشتی و خشتەی گەشتەیل ئاسمانیش رێکخریایە و ئاست نووڕستن زیاترە لە 1000م، لەدویای وسانی لە شەوەکی ئمڕوو چوارشەممە، وە مدوو خەراوی کەشوهەوا کە کاریگەری وەبان جویلەیل ئاسمانی فرۆکەخانەگە داشتیە.
سەرچەوەیگ ئاگادار، شەوەکی ئمڕوو چوارشەممە، خەوەردا کە جویلەی کاروانەیل ئاسمانی لە فڕۆکەخانەی ناودەوڵەتی بەغداد وەشیوەیگ وەختانە وەسیا، لەوەر داوەزیان ئاست نووڕین، لە ئەنجام دروسبوین تەم خەسیگ لە ئاسمان پایتەخت عراق.
ئیوارەی دویەکە سادق عەتیە پسپۆڕ کەشوهەوا هوشداری لە دروسبوین تەم و نەمان نووڕستن لە ساعەتەیل شەوەکیان رووژ چوارشەممە کرد، ئەوەیش لە ناوچەیل فراوانیگ لە دیالە، بەغدا، سەڵاحەدین ، کووت، هەولێر ، باکوور و خوەرھەڵات بەسرە، کەرکوک، باکوور زیقار، و خوەرھەڵات میسان.