شەفەق نیوز/ هێزیگ ئەمنی هاوبەش لە بەغداد، ئمڕوو شەممە، دەسنا بان زیاتر لە نیم مەلیۆن پاکەت دەرمان قەیەغەکریاگ و وەسەرچگ لە یەکیگ لە دەرمانخانەیل ناوڕاس بەغداد.
نووسینگەی راگەیانن دەزگای ئەمن نیشتمانی لە بەیاننامەیگ رەسیە ئاژانس شەفەق نیوز وت: مەفرەزیل دەزگاگە وە هاوکاری وەگەرد فەرمانگەی تەندروسی کەرخ وهێزەگەی ئەو ناوچە، دەسکردنە هەڵمەت وەشکین فراوانیگ لەناوچەی حارسیە لە بەغداد، بویە هووکار دەسناین لەبان ٥٥٠ هەزار پاکەت دەرمان قاچاخی و وەسەرچگ لەناو یەکیگ لە دەرمانخانەیل و خاوەنەگەی دەسگیر کردن.
وتیش؛ قسەیل خاوەن دەرمانخانەگە واژوو کریا، و وەگورەی یاسای وەزارت تەندروسی هەواڵەی دادوەری کریا، تا ریکارە یاساییەگان وەدژی بووریەن، و ئاماژە کرد ک ئی هەڵمەتە لە رەسین چەن سکاڵایگ لەڕی هێڵ سویەر پەتی هات کا تایبەتە وە دەزگاگە (١٣١) لەلایەن بەشیگ ک لە دەرمانخانەگان وەرگریا.