شەفەق نیوز- بەغدا / پاریس 

لە فەڕەنسا کارەیل "لوتکەی رووشنایی"، یەکەم لوتکەی جیهانیە تایوەت وە پیشەسازی سینەما و وینەی جویلیاگ کۆتاییهات، وە بەشداری فراوان ناودەوڵەتی کە عراق عارف ئەلساعدی سلاکار سەرۆک ئەنجومەن وەزیرەیل ئەرا کاروبار کەلتووری وە  ناوەی حکومەت و لیژنە نیشتیمانییە باڵاگە ئەرا پشتگیری سینەما بەشداریی کرد.

لە لوتکەگە سەرۆک فەڕەنسا ئیمانوێل ماکرۆن،، دەستپێشخەرییگ وە بایەخ یەک ملیار یۆرۆی ئەرا قایمکردن  پیشەسازی سینەما لە جیهان راگەیان، هەیش پیشتیگیری ئەوزەڵداین سیاسەتتە سینەمایەیل و دروسکردن ژینگەی ناودەوڵەت  پوڕیایگ ئەرا بەرهەمهاوردن و ئاڵشتکردن ئەزموون.

لە پەراوێزیگ لوتکەگە ساعیدی وەگەرد سەرۆک فەڕەنسا گفتوگوکرد لەبان پاڵپشتی کەرت سینەما لە عراق، و چالاککردن  یاداشتننامەی لەیەکفامستن کە لە مانگ تەشرین یەکەم ساڵ گوزەشتە لە ناوەین بەغدا و ناوەن نیشتیمانی فەڕەنسا ئەرا سینەما و وینەیل و جویلیاگ واژووکریا، وە جویریگ بەشداری لە  هاوکاری فرەیگ و پشتگیری لە بەرهەمهێنەرەیل عراقی بکەێد.

ساعیدی وەفەرمی راگەیان عراق چکە لە لوتکەگە سەرچەوەگردیە، و کە هاوپەیمانیگ ناودەوڵەتیە ئەرا ئەوزەڵداین وە پیشەسازی سینەماو وینەی جویلیاگ، و وازکردن ئاسۆی دەسمیەتی و هاوبەشی ناوەین وڵاتەیل ئەندام.

 وەپای بەیانامەیگ وەزارەت رووشنهویری دەریکردیە، بەشداریکردن عراق وە گەرد بەشداری  هونەرمەن "وارس کویش" بویە، کە بەشدارە لە پەیوەنی فراوانەیل و  گرنگیدان وە ئەوزەڵداین کەرت سینەما لەری فراوانکردن  پەیوەنی و بەشداریەیل وەرد دامەزراوەیل و لایەنەیل سینەمایی ناودەوڵەتی، و کە پاڵپشتی وەردەوامی بەرهەمهاوردن سینەمایی عراق و وازکردنی وە روی ئەزمونەیل جیهانی کەێد.