شەفەق نیوز/ وەڕێۆبەرایەتی پۆلیس پارێزگای سلێمانی، ئمڕوو جمعە، خەوەردا ک پیاویگ لە تەمەن شەسەگان لەناو پزشک دادوەری لە پارێزگاگە سەر خوەی بڕی.
سەرکەوت ئەحمەد قسەکەر وەناو وەڕێۆبەرایەتی پۆلیس ئەرا ئاژانس شەفەق نیوز وت: پیاویگ لەتەمەن ٦٥ ساڵان دەسەی گوڵ هەڵکردگە داوا لە پاسەوانەگان کرد بچوودە ئاودەس لەناو بینای پزشک دادوەری، و پاسەوانەگان ری وەپی دان، دویای کەمیگ دەنگ لەناو ئاودەسەگە ژنەفتن، هەنای چگنە ناوی، نووڕستنە پیاوەگە لەبان زەوی خەڵتان خوین کەفتگە و چەقویگ هاوە دەسیەو و پەیامیگ هیشتیەسە جی.
وتیش؛ ئەندامەیل ئاسایش هەڵمەتیگ کردن تا پیاوەگە بڕەسننە خەسەخانە، و ئاماژە کرد ک پیاوەکە هیمان نەمردگە، وەلی رەوشی نا ئارامە.
قسەکەرەگە رازی نەوی باس لە باوەت پەیام پیاوەگە بکەێد ک وەجی هیشتیەسەی، لەوەر تەواو کردن لێکۆڵینەوەگان.