شەفەق نيوز - بەغداد 

دەزگای دەسپاکی فیدڕاڵی، ئمڕوو یەکشەممە، جیوەجیکردن فەرمان دەسگیرکردن وەڕیەوبەر وەرین شارەوانی کووت راگەیان، ئەوەیش لەبان پرس رویداوەگەی مۆڵ هایبەر مارکێت.

 دەزگاگە لە بەیاننامەیگ رەسیە ئاژانس شەفەق نیوز وت: دەسگیرکردنی وە یاداشت دەسگیرکردن دادوەری هات، و تیم نویسینگەی لێکۆڵینەوەی واست توەنست فەرمان دەسگیرکردن دادوەری وەبان وەڕیەوبەر وەرین شارەوانی کووت دەسگیر بکەێد، لەوەر پێشێلکردنەیل لە دروسکردن مۆڵ هایبەر مارکێت کووت.

  وتیش: دەسگیرکردنی وەگورەی فەرمان دادوەری لە دادگای لێکۆڵینەوەی واست هات، لە بنەمای مادەی (343/ 3) لە یاسای سزادان عراقی.

وەرجەیە، دەزگاگە جیوەجیکردن فەرمانەیل دەسگیرکردن وەبان 10 توومەتبار لە وەڕیەوبەرایەتی وەرگری شارستانی لە واست و شارەوانی راگەیان، دیارترینیان وەڕیەوبەر وەرگری شارستانی، وەرپرس بەش زیایچگن لە شارەوانی کووت، و وەڕێوبەر وەرین ریوبان و پیەڵەیل، و وەرپرس بەش رێکخستن شارەیل، لەبان پشتگووشخستن و یاسا شکانن لە کارەیلیان.