شەفەق نیوز/ وەڕێۆبەرایەتی هەواڵگری سەربازی، ئمڕوو چوارشەممە، راگەیان دەسگیرکردن وەرپرس ئامادەکردن میوانخانەیل داعش لە نەینەوا.
وەڕێۆبەرایەتیەگە لە بەیاننامەیگ ئمڕوو وت: مەفرەزیل بەش هەواڵگری سەربازی لە فیرقەی ١٤ وهاوکاری فەوج دوویەم لیوای پیادەی ٥١ توێنستن یەکیگ لە تیرۆرستەیل لەناوچەی قەراج لە قەزای مەخموور نەینەوا دەسگیر بکەن.
وەگورەی بەیاننامەگە؛ ئی کەسە وەرپرسە لە ئامادەکردن میوانخانەیل داعش وە خوەراک و چشتە لۆجستیەکان، و وەگورەی یادداشاتیگ دەسوەسەرکردن وەگورەی مادەی ٤ تیرۆر داوا کریاگە.