شەفەق نیوز/ سەرچەوەیگ ئەمنی ئاگادار، ئمڕوو چوارشەممە، خەوەردا لە دەسگیرکردن وەرپرسیگ پایەبەرز لە دەزگای هەواڵگری عراق لەوەر هووکارەیل نادیاریگ.
سەرچەوەگە ئەرا ئاژانس شەفەق نیوز وت: هیزیگ تایبەت لە دەزگای هەواڵگری، لیوا زیا موسەوی وەڕیەوبەر کاروبار ئۆپراسیۆنەیل وە یاداشتیگ دادوەری دەسگیر کرد.
وتیش: هیمان هووکار ئەو دەسگیرکردنە نادیارە.
دویەکە سێشەممە، ئەنجومەن وەزیرەیل دەنگ لەبان پویچەڵکردن گشت فەرمان و دامەزرانن فەرمانبەری حکومەتی کازمی دا.