ئاژانسەگە لە بەیاننامەیگ رەسیە ئاژانس شەفەق نیوز راگەیان، "توومەتباریگ وەتوومەت هاککردن یەکیگ لە شاشەیل پەخشکردن دەسگیرکریا لە بەغدای پایتەخت و چشتەیلیگ بەدڕەوشتی پەخش کردیە".

سەرچەوەیگ ئەمنی وە ئاژانس شەفەق نیوز وت، "مەفرەزەیل هەواڵگێری و دژە تیرۆر رەسافە کەسیگ دەسگیرکردنە دانشتگ ناوچەی کەرادەس و لەداڵگبوی ساڵ 1994، کە هاک شاشەش کردیە".

دیاریکرد " توومەتبارەگە دان وە راسی ئەنجامدان کارەگە نایە ک لەئەنجام ناکۆکییگ لەبان پویل وەرد خاوەن کۆمپانیای رێکلام بویە".

دەسڵاتدارەیل ئەمنی، ئمڕوو یەکشەممە، بڕیاردان وە کوشانەوەی شاشەیل پەخشکردن رێکلامەیل لە شوینە گشتیەیل بەغدای پایتەخت و پارێزگای بابل وە شیوەی وەختانە و مدوو هاککردن ئەلکترۆنیی و پەخشکرد پارچە ڤیدیۆیەیل بی رەوشتی لەبان شاشەگە.