شەفەق نیوز/ فەرماندەیی پۆلیس بەغداد، ئمڕوو سێشەممە، دەسگیرکردن ژن و شوییگ راگەیان وە توومەت ئەنجامداین تاوان رخبەریگ کە بریتیە لە کوشتن خێزانیگ 8 نەفەری کە فرەیگیان مناڵن لەشار سەدر خوەرهەڵات بەغداد.

راگەیانن فەرماندەیی لە بەیاننامەیگ رەسیە ئاژانس شەفەق نیوز وت؛ "لەدویای ئەوەگ خەوەر رەسی لە هەبوین رویداویگ کوشتن لە ناوچەی شار سەدر دەسوەجی مەفرەزەیل فەرماندەیی پۆلیس رەسافە وە نوێنەرایەتی (بنکەی پۆلیس رافیدەین) وە سەرپەرشتی و چەودێری پۆلیس بەغداد رەسافە، ئەرا شوین رویداوەگە چگنە و دەرچگە 3 کەس (ژنیگ و دوو مناڵ) کوشیانە".

وتیش؛ "تیمیگ کارکردن تەواوکر دروسکریاس، لەدویای لێکۆڵینەوە و کووکردن زانیاری و چەودێری کامیرایەیل چەودێری رەسینەس وە بکوش کە دانشتگ ناوچەی کشاوەرزی  حەمیدیەس،لەدویای وەرگردن رەزامەنی یاسایی رویکردنە شوین نیشتەجیبوینیان و بکووش و ژنەگەی دەسگیرکریان".

وتیش "لە وەخت وشکنین ماڵەگە تەم 5 کەس ترەک پەیاکریاس کە سەر وە هەمان خێزان قوربانیەگەن لە ئەنجام گشت ئەندام خێزانەگە دەسگیرکریان کە لەناو ماڵەگە بوین، لە وەخت لێکۆڵینەوە وەگەردیان دان دانانە وە کوشتن(ژنەگە) و وەگەرد 4 مناڵی لەناو ماڵیان".

رووشنیکرد "توومەتبارەیل رویکردنەس ماڵ قوربایەگە گشت ئەندامەیل خێزانەگە کوشتنە کە پێکتێد لە "دوو مناڵ و میمگەگەیان) هووکارەگەی بڕە پویلیگ قەرزاربویە هەمیش ئەرا دزین ئەو پویلە لەناوماڵ قوربانیەگە" وتیش "توومەتبارەیل دەسگیرکریانە ئەرا تەواوکردن لێکۆڵینەو وەگەردیان".