شەفەق نیوز/ وەڕێوەبەرایەتی خێزان و مناڵپارێزی سەر وە وەزارەت ناوخوەی، ئمڕوو پەنجشەممە، خەوەردا لەدەسگیرکردن باوەژنیگ کە تونوتیژی وەرانوەر وە مناڵ شویەگەی وەکارهاوردیە لناو ماڵ زیندانیان کردیە.
وەڕێوەبەرایەتیەگە لە بەیاننامەیگ رەسیە ئاژانس شەفەق نیوز راگەیان، زانیاری رەسیەس بەش خێزان و مناڵپارێزی کەرخ، دوو مناڵ زیندانیکریانە و وەلایەن ژن باوگیان تونوتیژی وەرانوەریان کرێد و مەفرەزەیگ ئەرا وەدویاچگن راسیەگەی دروسکریا.
وتیش؛ لەدویای وەرگردن رەزامەنی دادوەر روی کردنە شوین رویداوەگە لە ناوچەی بەیاع لە بەغداد و توومەتبارەگە دەسگیرکریا دوو مناڵەگە ئازادکریان و ئەرا خەستەخانە بریان تا وشکنینن و چارەسەر ئەرایان بکرێد و راپۆرت پزیشکی وەدەسبارن، ریوشوین یاسایی وەرانوەری گیردەوەر تا بڕەسێدە سزای دادپەروەرانەی خوەی.