شەفەق نیوز/ هێزە ئەمینیەکان، ئمڕوو شەممە، راگەیانن دەسگیرکردن چەن داواکریایلیگ لە بەغداد پایتەخت.
وەڕێۆبەرایەتی دژە تاوان بەغداد، لە بەیاننامەیگ رەسیە ئاژانس شەفەق نیوز وت: هێزیگ لە مەفرەزەیل نووسینگەی رەسافە لە بەش تاوان بازرگانی وە ئایەم، توێنست ژنیگ توومەتبار وەگورەی مادەی ٦ لە یاسای دژە بازرگانی وە ئایەم دەسگیر بکەێد.
وەڕێۆبەرایەتیەگە وتیش: مەفرەزیل نووسینگەی دژە تاوان حوریە، توومەتباریگ وە دزیکردن وەگورەی مادەی ٤٤٦ دەسگیر کردن، لەوەر دزیکردن بایی دوو مەلیۆن دینار لە هاووڵاتییگ.
و ئاماژە کرد ک مەفرەزیل نووسینگەی بەغداد جدیدە توومەتباریگ وەگورەی مادەی ٤٤٤ دەسگیر کردن، لەوەر دزیکردن تڵا لە یەکیگ لە هاووڵاتییەکان.