شەفەق نیوز/ سەرچەوەیگ لە پولیس پارێزگای نەینەوا، ئمڕوو چوارشەممەر خەوەردا کە هیزیگ ئاسایش نیشتمانی لە ناو چێشتخانەیگ کەسیگ دەسگیر کرد کە لەناو ئەپلەکەیشن “تیک تۆک” وەناوبانگی دیرێد.
سەرچەوەگە ئەرا ئاژانس شەفەق نیوز وت: “ئاسایش نیشتمانی لە موسڵ توکێکیگ وەناوبانگ ناسریای وە (دەرمان) لە ناو چێشتخانەی (مەندی یەمەن) لە گەڕەک دوبات لە لای چەپی شار موسڵ دەسگیرکرد، کە لەورا کارکەێد و بانگەشە کەێد.”
ئاشکرا کرد کە دەرمان وە توومەت تۆمەتی بڵاوکردن ناوەڕۆک رسواکردن لە سۆشیال میدیا و پرۆپاگاندە ئەرا حزب بەعس قەیەغەکریای دەسگیر کریا.
سەرچەوەگە وتیش: "ئاسایش نیشتمانی پارچە ڤیدیۆیی توزمەتبارەگە هەڵگردیە، کە خریا وەردەم دادوەر کەرامە، کە بڕیار دەسگیرکردنی دا ئەرا تەواوکردن لێکۆڵینەوە".
دووپاتیش کرد کە "لێکۆڵینەوە وەردەوامە ئەرا ئاشکراکردن هویردەکاری زیاتر لەبان ئەو کارەیلە توومەتبارەگە ئەنجامی داگە، و دەزگا ئەمنییەیل ریکارەیل تون جیوەجی کەن ئەرا نواگیریکردن ئەو جویرە دیاردەیلە کە کاریگەرییان لەبان کۆمەڵگا هەس".
لە مانگ تەمموز ٢٠١٦ پەرلەمان عێراق سیانویس یاسای قەیەغەکردن حزب بەعس و قەوارە هەڵوەشاوەیل و حزبەیل و ڕەگەزپەرسی و تیرۆریست و تەکفیرییەیل پەسەن کرد.