شەفەق نیوز/ سەرچەوەیگ ئەمنی وەرپرس، شەوەکی ئمڕوو چوارشەممە، خەوەردا کە هیزیگ تایبەت، چگەسە ناو بڕیگ لە ماڵەیل لە ئاوای جێزانی چۆل لە قەزای خاڵس باکوور دیالە، ئەرا دەسگیرکردن شمارەیگ لەو گەنجەیلە کە لەبان داوەزیان وزەی کارەبا و کەمی ئاو نووشین ناڕەزایی کردنە، و رخیگ خستنەسەر ناو مەردم ناوچەگە.
هەرلیوا، ئەحمەد موسەوی ئەندام ئەنجومەن نوێنەرەیل لە پارێزگای دیالە لە بەیاننامەیگ وت: هیزیگ ئەمنی چگەسە ناو ئاوای جێزانی چۆل لە قەزای خاڵس، و شمارەیگ لەو گەنجەیلە دەسگیر کرد کە لە خوەینشاندان بەشداری کردنە.
ئەو نوێنەرە پێشی کە ئی وەرپرسە لەی رەفتارەیلە کە وەڕیەوبەر پولیس دیالە کەێد؟ و کی گاڵی دەێد ئیجویر کاریگ بکەێد زیڕە بخەێدە ناو خیزانەیل؟
موسەوی وتیش: ئایا هەڕەشەی ئاشتی کۆمەڵایەتی دانە ئەو گەنجەیل ناڕەزا؟ یا فەرمان لە لایەنەیلیگ ترەک، ئەغماز لە مەردم مەردم بگرن وەنە کاریگ ترەک بوود ئمجا پەشیمانەو بوین لەبان ئەو رووژە کە هاتیە کار لە پارێزگای دیالە.
شەوەکی رووژ یەکشەممەی گوزەشتە، دەیان کەس لە دیالە لەوەر بەرزەوبوین پلەی گەرمی و لەبان بەدی خزمەتگوزارییەیل ۆورچگنە خوەینشاندان.