شەفەق نیوز/ لیوا یەحیا رەسول قسەکەر وەناو فەرماندەی گشتی هێزە چەکدارەکان، ئمڕوو شەممە، راگەیان دەسگیرکردن چوار لە ئەندامەیل داعش لە ئۆپراسیۆنەیلیگ جیاجیا لە سێ پارێزگا.

رەسول لە بەیاننامەیگ رەسیە ئاژانس شەفەق نیوز وت: هێزەیل دەزگای دژە تیرۆر، وە ئۆپراسیۆنیگ ناکاوی، وەگورەی زانیاریەیل ووردیگ، توێنستن ئەندامیگ لە داعش لە حەی خەزڕا لە بەغداد پایتەخت دەسگیر بکەن، و دیاری کرد ک ئۆپراسیۆنەگە وە شیوەیگ هەواڵگری پێشکەفتیگ جیوەجی کریا.

وتیش؛ هێزەیل دەزگاگە توینستن ئەندامیگ تر لە داعش لە قەزای عانە لە پارێزگای ئەنبار دەسگیر بکەن، و ئاماژە کرد ک هێزەیل دژە تیرۆر هەمیش دووان لە ئەندامەیل داعش لە ناحیەی عەلەم لە پارێزگای سەڵاحەدین دەسگیر کردن.