شەفەق نیوز/ شانەی راگەیانن ئەمنی، ئمڕوو دووشەممە، دەسگیرکردن کەسەیلیگ راگەیان دەسکاری نرخ خەرجکردن دۆلار کەن لە بەغداد.
شانەگە لە بەیاننامەیگ رەسیە ئاژانس شەفەق نیوز وت: دویای رەسین زانیاری هەواڵگری لە وەڕیەوبەرایەتی هەواڵگری و ئاسایش بەغداد لەبان بڕیگ دوکان ئاڵشتکردن دراو لە جادەی کیفاح باوی وە نرخ دۆلار کەن و رینمایل بانک ناوەندی شکنن، وەهەماهەنگی وەگەرد هیزەیگ ئەمنی هاوبەش مەفرەزەیل وەڕیەوبەرایەتیەگە ٤ توومەتبار وە تاوانەگە دەسگیر کرد، ک دراو بیگانە وە پیچەوانەی رینمایل فەرمی فرووشن، و دویای وەرگردن مووڵەت دادوەری وەگورەی مادەی ٤٢٠ لە یاسای سزادان دەسگیر کریان.