شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە دەسگیرکردن "رەزان محمد" و توومەت بڵاوکردن باوەت ئاست نزم لە سۆشیال میدیا.
سەرچەوەگە ئەرا ئاژانس شەفەق نیوز وت: لە بنەمای فەرمان دادوەری لەلایەن دادگای عراقی، لە چوارچیوەی تەقەلایل ئەمنی و پیشەیی ئەرا نواگیریکردن باوەتەیل ئاست نزم لە سۆشیال میدیا، دەسگیرکردنی جیوەجی کریا.
سەرچەوەگە وتیش: دەسگیرکردن رەزان دویای ریکارەیل کەسەی ناوەڕۆک نزم لە وەزارەت هات، وتیش: رەزان پارچە ڤیدیۆ لەبان سۆشیال میدیا بڵاو کردیە قسەی بەد و پڕتاڵ رسواکەر لەناوی بویە.