شەفەق نیوز - پارێزگایەیل
سەرکردایەتی پۆلیس رەسافەی بەغدا، رووژ شەممە، راگەیان دەسگیرکردن دوو توومەتبار وە کوشتن چوار کەس، دۊای ناکۆکییگ لەبان ژووریگ کە دروس کریاگە لەبان زەۊیگ زیایچگ لە ناوچەی زەعفەرانیە.
سەرکردایەتیەگە لە بەیاننامەیگ کە رەسیە ئاژانس شەفەق نیوز دیاری کرد کە دۊای رۊداین دەمەقاڵیگ لەبان ژووریگ دروسکریاگ لەبان زەۊیگ زیایچگن لە ناوچەی زەعفەرانیە، رەسیە تەقەکردن و بۊە هووکار کوشیان چوار کەس، سەرکردایەتی پۆلیس بەغداد رەسافە تۊنست دوو توومەتبار دەسگیر بکەێد، لە وەختیگ وەردەوامە لە راونان توومەتبار سێیەم.
دیاری کرد کە پرۆسەگە وەپشتبەسین وە رێنماییەیل فەرماندەی پۆلیس بەغداد رەسافە هات، کە تیم کارکردنیگ لە سەرکردایەتی پۆلیس بەغداد رەسافە دروس بوی ئەرا وەدۊاچگن رۊداوەگە و راونان توومەتبارەیل، و مەفرەزەیل تۊنستن وەدۊاچگن ئەرا جۊلەیان بکەن و بڕەسنە پیان دۊای واینیاین وەرەو یەکیگ لە پارێزگایەیل، و هەمیش دەس گرۆنە بان ئەو چەکەیلە کە لە رۊداوەگە وەکار هاتنە.
سەرکردایەتیەگە دەسنشان ئەرا ئەوە کرد کە هەردوگ توومەتبارەگە بەندی کریان و ریکارە یاساییە هەوەجەدارەیل وەرانوەریان جیوەجی کریا، لە وەختیگ راونان توومەتبار سێیەم وەردەوامە کە لەناو یەکیگ لە ناوچەیل لەناوی ئەو پارێزگایە گیر دریاگە.
لەلای خوەیەو وەڕێوەبەرایەتی هەواڵگری سەربازی راگەیان، کە مەفرەزەیل بەش هەواڵگری و ئەمن لە هەردوگ فیرقەی پیادەی یەکەم و چواردەهەم، دوو تەقەلا ئەرا قاچاخکردن بڕەیلیگ لە بەرهەمەیل نەفتی لە هەردوگ پارێزگای دیالە و نەینەوا پۊچەڵەو کردنە، ئەوەیش وە دوو پرۆسەی هەواڵگری جیاواز.
وەڕێوەبەرایەتیەگە لە بەیاننامەیگ زیای کرد کە هەردوگ پرۆسەگە دۊای چەودیاریکردن و وەدۊاچگنیگ هەواڵگری ورد ئەرا جۊلەیل قاچاخچییەیل هاتن، و لە ناوچوارچیوەی ئەو تەقەلا وەردەوامەیلەس کە مەفرەزەیل هەواڵگری سەربازی دەنەی ئەرا راونان تووڕەیل قاچاخچێتی و تاوانەیل ئابووری کە سامانە نیشتمانییەیل کەنە ئامانج، کە مەفرەزەیل تۊنستن دەس بگرنە بان بەرهەمە نەفتییە قاچاخەیل و ئەو ماشینەیلە کە لە پرۆسەیل قاچاخکردنەگە وەکار هاتنە.
دیاری کرد کە ماشینە دەسوەسەرداگیریاگەیلە و رانندەیلیان رادەس وە لایەنە پسپۆڕەیل کریان وەپەی بنەمایەیل ئەرا جیوەجیکردن ریکارە یاساییە هەوەجەدارەیل وەرانوەریان.