شەفەق نیوز/ شانەی راگەیانن ئەمن عراقی، ئمڕوو دووشەممە، خەوەردا لە دەسگیرکردن دوو تیرۆرست لەباکوور بەغدای پایتەخت.

لە بەیانیگ رەسیە ئاژانس شەفەق نیوز وت: هیزیگ لە لیوای 22 تیپ پیادەی شەشەم سەر وە فەرماندەیی ئۆپراسیۆنەیل بەغدا، توەنستن دوو تیرۆرست دەسگیربکەن  وەپای مادەی  4/1 تیرۆر، لەدویای ئەوەی زانیاری هەواڵگیری  هویردیگ رەسیەس وەپیان لەچوارچمگ کەرت وەرپرسیارییان.

 لە بەیانەگە دیاریکرد لەدویای ئەو زانیاریەیلە تیمیگ لە کارکردن دروس کریا وە سەرپەرشتی راستەوخۆی لیوا روکن سەرۆک تیپ و چگنەس ئەرا شوینەگەیان لەدویای گردەوکردن زانیاری و توومارکردن جویلەیلیان و هەردگیان دەسگیرکریانە لەناوچەی (ئەبو موتعب) لە باکوور بەغدا.

دوپاتکرد دەسگیرکریاگەیل ئەرا لایەن تایوەت کلکریانە تا ریکارەیل یاسایی لەوەرانوەریان ئەنجام بیریەێد.