شەفەق نیوز ـ بەغدا 

فەرماندەیی پۆلیس بەغدا رەسافە، ئمڕوو یەکشەممە، دەسگیرکردن دوو توومەتبار راگەیان لەان بازرگانیکردن وە ئەندامەیل مرۆڤ.

فەرماندەیەگە لە بەیاننامەیگ رەسیە ئاژانس  شەفەق نیوز راگەیان، لەری فەرماندەی ناوچەی ئەمنی دەیەم و بەش دژەتاوان سەدر یەکەم و وە بەشداریکردن وەگەرد هەواڵگری، دوو توومەتبار کە دەس داشتنە لە کارەیل بازرگانیکردن وە ئەندامەیل لەش مرۆڤ  دەسگیر کریان.

وتیش؛ پرۆسەی دەسگیرکردنەگە دویای رەسێن زانیارییگ هات وەبان  هاتووچویکردن کەسیگ ئەرا یەکیگ لە فەرمانگەیل پاسپۆرت وە مەبەست دراوردن پاسپۆرت و گەشتکردن ئەرا دەیشت عراق تا  یەکێ لە گورچگەیل خوەی وەرانوەر بڕ (14) ملیۆن دینار عراقی بفروشێد.

ئاشکراکرد، تیمیگ کارکردن دروسکریا، و توومەتبار یەکەم راکیشیا و دەسگیرکریا، لەدویای ئەو توومەتبار دویەم دسگیرکریا کە جویر ناوەنگر کارکەێد لە کار فروشتن ئەندامەیل لەش مرۆڤ، لە لێکۆڵینەو  توومەتبار دویەم دان دانایە وەبان زیاتر لە چەن کاریگ فروشت گورچگ و ئەندامەیل لەش مرۆڤ کردیە وەگەرد کەسەیل ترەک لە دەیشت  عراق وەرانوەر وە بڕە پویلیگ و  جیگیرکردن گەشت دابینکردن شوین.