شەفەق نیوز/ شانەی راگەیانن ئەمنی، ئمڕوو سێشەممە، راگەیان دەسگیرکردن ٣ توومەتبار وە تیرۆر لە سامەڕا و کەرکوک، لەو وەختە ک سەرچەوەیگ ئەمنی خەوەردا لە کوشیان کەسیک وە رووداویگ هاتووچو لە سەڵاحەدین.
شانەگە لە بەیاننامەیگ رەسیە ئاژانس شەفەق نیوز وت: وەگورەی زانیاریەیلیگ هەواڵگری وە ئۆپراسیۆنیگ ناکاوی، هێزیگ لە لیوای سێیەم لە فیرقەی چوارەم پۆلیس فیدڕاڵی، توێنست یەکیگ لە داواکاکریایەل لە مادەی ٤ تیرۆر لە ناوچەی ترێشە ناحیەی موعتەسیم لە سامەڕا دەسگیر بکەێد.
وتیش؛ هێزیگ لە لیوای دوانزەهەم فیرقەی سێیەم پۆلیس فیدڕاڵی وە بەشداری هەواڵگری لیواگە، توومەتبار (م، ت، ن) وەگورەی مادەی ٤ تیرۆر لە ئاوای خزیفی لە قەزای حەویجە لە پارێزگای کەرکوک دەسگیر کرد.
وتیش؛ هێزیگیش لە لیوای ئامێری سێیەم فیرقەی ئامێری پۆلیس فیدڕاڵی و هاوبەشی هەواڵگری لیواگە توێنست دەسگیر تیرۆرست (غ، م، ص) لە ئاوای ئەبو کعوبە لە ناحیەی ریاز لە پارێزگای کەرکوک وەگەرد چەکیگ کلاشینکۆف و دوو مەخزەن و دڵنگەیل سەربازی و ٥ مۆبایل دەسگیر بکەێد.
لە شوینیگ تر، سەرچەوەیگ ئەمنی ئەرا ئاژانس شەفەق نیوز وت: گەنجیگ لە خەڵک قەزای شەرقات لە سەڵاحەدین وە رووداویگ هاتووچو دڵتەزنیگ لەنزیک ئاوای شوکرون گیانی لەدەسدا.