دەزگای هەواڵگری و لێکۆڵینەوەی فیدراڵی لە وەزارەت ناوخۆ لە بەیاننامەیگ رەسیە ئاژانس شەفەق نیوز وت:  "دویای دروسکردن تیمیگ چەودیاریکردن و وەشوینکەفتن، ئاژانسەگە توەنست توومەتباریگ لە بەغدا دەسگیر بکەێد ک لە پارێزگای نەینەوا وایە، و توومەتباریگتر لە باکوور خوەرھەڵات بەغدا دەسگیر کرد، تاوان تیرۆریستی ئەنجامداگە، دیارترینیان پەلاماریگ وەبان  هیزەیل ئەمنی بویە."

 ئەندامیگتر لە پارێزگای کەرکوک دەسگیر کریا، ک کار ئەرا رەسانن زانیاری لەبان جموجویل هیزەیل ئەمنی وە چەتەیل تیرۆریست داعش کەێد،  وتیش " لە بنەمای فەرمان دادوەری ئەرک دەسگیرکردنیان ئەنجام دریا،  ریکارەیل یاسایی وەرانوەریان جیوەجی کریا".

 دەزگای ئاسایش نیشتمانی جیوەجیکردن ئەرک جیاجیای لە ٦ پارێزگا ڕاگەیان، لەو ماوە توەنستن لە مانگەیل نیسان و ئایار ٣١ چزدەر دەسگیر بکەن، ک فرەیان لە پارێزگای نەینەوا بویە، هەرلیوا ١٣ توومەتبار چزداین لە ساڵ ٢٠١٩ دەسگیر کریانە لە ناوڕاس و خوەرئاوای شارەگە.

 لە  بەیاننامەگەی وتیش: "مەفرەزەیل دەزگاگە توەنستن 18 چزدەر دەسگیر بکەن، دویای ئەوەگ ریکارەیل دادگا ئەرا بڕیگیان لە پارێزگایل کەربەلا، ئەنبار، موسەنا، بەسرە و بابل جیوەجی کریا"،  قسەی توومەتبارەیل توومار کریا و هەواڵەی دەسەڵات دادوەری کەرامە کریان.