شەفەق نیوز/ ئاژانس هەواڵگری دژە تیرۆر لە بەغداد، ئمڕوو یەکشەممە، دەسکردن تیرۆرستیگ رخدار راگەیان بەشداری لە رفانن و کوشتن شمارەی گەورەیگ لە ئەندامەیل ئەمنی لە پارێزگای نەینەوا کردگە، لە ماوەی داگیرکردنی وەلایەن ریخریاگ داعش.

ئاژانسەگە لە بەیاننامەیگ رەسیە ئاژانس شەفەق نیوز وت: مەفرەزەیلی لە رەسافە وە هاتن توومەتباریگ داواکریای وەگورەی مادەی چوار تیرۆر لە دەیشت پارێزگاگەو ئاگادار بوین، وتیش: وەکوتپڕ تیمیگ کارکردن هەواڵگری دروس کریا، و کوڵە لەلی گریا، و دویای وەرگردن مووڵەت دادوەری دەسگیر کریا.

دیاری کرد کە لەناو لێکۆڵینەوە ئاشکرای تاوانەیلی کرد کە لەناو ریخریاگ داعش کار کەێد، و تاوانەیل کوشتن و رفانن وەبان ئەندامەیل ئەمنی لە پارێزگای نەینەوا جیوەجی کردگە، لە ماوەی داگیرکردنی وەلایەن ریخریاگ داعش لە ساڵ ٢٠١٤، و هەمیش بەشداریکردنی لە پەلامار تیرۆری وەبان هیزەیل ئەمنی لە ناوچەی وادی حەجەر.