شەفەق نیوز/ ئاژانس وەزارت ناوخۆ ئەرا باوەتەیل پۆلیس, ئمڕوو چوارشەممە، راگەیان دەسگیرکردن ٣ توومەتبار وە کوشتن باوگ خوەیان ئەرا میراتی لە بەغداد پایتەخت.

ئاژانسەگە لە بەیاننامەیگ ئمڕوو وت: ناوەند پۆلیس خەزڕا باوەت خوەیکوشتن (ق ح خ) لەوەر نادیاری رووداوەگە و بڕوانەکردن دادوەریەگە وە خوەیکوشتنەگە، ک وەرجە هەفتەیگ بویە، هەواڵەی باوەتەگە ئەرا نووسینگەی تاوانەگان غەزالیە کرد.

وتیش: وەکوتپڕ تیمیگ دروس کریا و چگنە شوون رووداوەگە و لێکۆڵینەوەگە دووارەو کریا، و ئاشکرای و پلان و گردەوکردن بەڵگەگان و رەوشەیل دەورگرد باوەتەگە کریا، ک گومان کەفتە دەور سێ فەرزەنەگە هەرلە (ع و ع و س) کوڕەیل کوشیایەگە ک لە خود ماڵەگە وەگەرد باوگەگە لە ناوچەی حەی خەزڕا نیشن، و ئاماژە کرد ک مووڵەت دادوەری ئەرا دەسگیرکردن ئەو توومەتبارەیلە کەفتە دەس.

ئاژانسەگە وتیش: لەوەخت لێکولینەوە وەگەردیان، ئاشکرای تاوان خوەیان کردن وەرێککفتەن و هاوبەشییان لە کوشتن باوگیان لەوەر ناوکۆکیەیل ناوبەینیان ئەرا بەشەیلیان لە میراتیەگە.