شەفق نيوز- زیقار
وەزارەت ناوخۆی عراق، ئمڕوو شەممە، دەسگیرکردن باوگیگ راگەیان وەتوومەت شکەنجەدان دویەتەی خوەی لە پارێزگای زیقار.
وەزارەتەگە لە بەیاننامەیگ رەسیە ئاژانس شەفەق نیوز وت: وەڕیەوبەرایەتی مقیەتیکردن خیزان و زاڕوو، وەردەوامە لە روانگەکردن و وەشوینکەفتن گشت تونوتیژییگ خیزانی، و کار کەێد ئەرا جیوەجیکردن ریکارەیل یاسایی.
وتیش: لە رەسین زانیاری و داواکردن رزگاری لە باوگیگ لە پارێزگای زیقار شکەنجەی دویەتەی دەێد، مەفرەزەیل پولیس دویای وەرگردن مووڵەت فەرمی رەسینە شوین رویداوەگە.
دیاری کرد کە توەنستنە ئاو باوگە دەسگیر بکەن، و ریکارەیل یاسایی وەرانوەری جیوەجی کریا، و خریا وەردەم دادگا، ئەوەیش لە چوارچیوەی تەقەلایەیل مقیەتیکردن زاڕوویەیل لە تونوتیژی خیزانی.