شەفەق نیوز/ دەسەڵاتەیل ئەمنی عراق، ئمڕوو یەکشەممە، دەسنانە بان ماشین بارهەڵگر گەورەیگ، پەرچەمەیلیگ سعودی و وینەیل سەدام حسێن سەرۆک رژیم وەرین لەناوی بویە ئەوەیش لە خوەرهەڵات بەغداد پایتەخت.

سەرچەوەیگ لە پۆلیس ناوخوەیی ئەرا ئاژانس شەفەق نیوز وت: ئەمن دەسنا بان ماشینیگ (ترێلە) وەجی هیلیاگە، و خاوەنەگەی نادیارە، پەرچەمەیل سعودیە و وینەیل سەدام حسێن لەناوی بویە، ئەوەیش لە جادەی ئەنسار لە ناوچەی جەمیلە لە بەغداد.

وەرجەیە، ئاسایش نیشتمانی عراق، رووژ چوارشەممەی گوزەشتە، خەوەردا لە دەسگیرکردن چوار کەس وەباڵای رژیم سەدام حسێن وتنە، لەناو ئاهەنگ جەژن نیشتمانی لە پارێزگای ئەنبار.

مادەی هەفت لە دەستوور هەمیشەیی عراق ئویشێد: قەیەغەی هەر پیکاتەیگ یا بنەمایگ کەێد ک خوەی کەێدە خاوەن نەتەوەپەرستی یا تیرۆر یا تەکفیر لە جینۆساید مەزهەبی یا زەمینەسازی بکەێد یا پڕۆپاگەندە بکەێد یا دەسپیچگ ئەرای پەیا بکەێد، وەتایبەت رژیم بەعس سەدامی لە عراق و سومبلەیلی، ولەژێر هەر ناونشنایگ بوێە، و نەبایەت ئەوە لەناو هەمەڕەنگی سیاسی عراق بوود.