شەفەق نیوز - بەسرە
سەرچەوەیگ ئاگادار، ئمڕوو دووشەممە، خەوەر دا لە دەرچگن سزای زیندانی ئەرا ماوەی شەش مانگ دژ وە چالاکوان عەلاء بەخاتری لە پارێزگای بەسرە، دویای دەسگیرکردنی ئەرا زیاتر لە دوو مانگ لەبان بنەمای ناڕەزایەتییەیل و پەلامارەیل کە بارەگای قونسوڵخانەی کوێتی ئامانج گرد، ئەرا شەرمەزارکردن کوشیان ماسیگریگ عراقی و زەخمداربوین کەسان تریش وە گولەی پاسەوانەیل کناراوەیل دەریایی کوێت.
سەرچەوەگە ئەرا ئاژانس شەفەق نیوز وت: سزاگە لەبان بنەمای ئەو رویداوەیلە دەرچگ کە هاووەخت بوی وەگەرد ناڕەزایەتییەیل وەرانوەر قونسوڵخانەی کوێت لە بەسرە، کە دویای ئە رویداوە هزگرد ک ببویە مدوو کوشیان ماسیگرە عراقیەگە و زەخمداربوین کەسان ترێش.
لەباوەتیگ جیاواز، سەرچەوەگە خەوەردا لە دەسگیرکردن ئەفسەر خانەنشین عەلی شیاع، کە لە ئەنجام ئەوەگ لەری پێگەیل پەیوەنی کۆمەڵایەتیەیل رووشنایی خسیە وەبان دۆسیەیل و حاڵەتەیل هەستیار لە کۆمەڵگە، لەناو شوینە تاوانەیل کوشتن و رفانن و دۆسیەیل ترەک.