شەفەق نیوز- بەغداد
سەرچەوەیگ ئەمنی، ئمڕوو چوارشەممە، خەوەردا لە دەسگیرکردن کەسیگ لەلایەن هیزیگ ئەمنییەو کە جویر کارمەن لە وەزارەت وەرگری کار کەێد، مەوقەی تەقەلای ئەرا دەسدریژی سێکسی لەبان دۊتیگ لە خاوەن هەوەجە تایبەتەیل لە بەغداد.
سەرچەوەگە ئەرا ئاژانس شەفەق نیوز وت، کە دۊتەگە لەداڵکبوی 2003ە، وە دیاریکردن ئەوەگ رویداوەگە لە ناوچەی سەبعەلبۆر لە خوەرهەڵات پایتەخت بەغداد رۊ دایە.
دیاری کرد کە هیزە ئەمنییەگە تۊنست کارمەنەگە مەوقەی رویداوەگە دەسگیر بکەێد، وەگەرد جیوەجیکردن رێکارە یاساییە بنەڕەتییەیل وەرانوەری.