پۆلیس پارێزگای دیوانیە، ئمڕوو شەممە، خەوەردا لە دەسگیرکردن کابرایگ مۆبایل زیارەتچیەیل چلەی ئیمام حسێن دزێد.
پۆلیس لە بەیاننامەیگ رەسیە ئاژانس شەفەق نیوز وت: دویای رەسین زانیاری لەەو ک بڕیگ لە زیارەتچیەیل چلەی ئیمام حسێن کەفنە وەر دزیکردن مۆبایلیان، پۆلیس کەفتە شوین ئەو کارە.
وتیش: هیزیگ لە بنکەی پۆلیس سدیر توەنست کابرایگ خەڵک پارێزگای بەسرە لەبان ری حەمزە- سدیر دەسگیر بکەێد، بڕیگ مۆبایل وەپی بویە، ک مەوقەی خەفتن زیارەتچیەیل لەناو حسێنیەیل مۆبایلیان دزێد.
بەیاننامەگە وتیش: شمارەیگ لەو مۆبایلەیلە دریانە دەس خاوەنیان، و داوا لەو زیارەتچیەیلە کرد ک لەلیان دزی کریاگە، سەردان بنکەی پۆلیس حەمزە شەرقی بکەن.