شەفەق نیوز/ وەڕێۆبەرایەتی دژە تاوان بەغداد، ئمڕوو چوارشەممە، راگەیان دەسگیرکردن توومەتباریگ خوەی کردیەسە ئەفسەریگ وە پلەی عەمید لە وەزارەت وەرگری، لە باشوور بەغداد.
وەڕێۆبەرایەتیەگە لە بەیاننامەیگ رەسیە ئاژانس شەفەق نیوز وت: مەفرەزیل نووسینگەی دژە تاوان دۆڕە توێنستن دەسگیر توومەتباریگ بکەن خوەی کردە ئەفسەریگ وەپلەی عەمید لە سوپای عراق، لەمەوقەی جیوەجیکردن رەفتارە ئەمنیە ناکاویەگان لە کەرت وەرپرسایەتیەگە.
بەیاننامەگە دیاری کرد ک مەفرەزەگە ماشینیگ مارکەی دۆج رەنگ چەرمگ وەبی تابڵۆ وسان، و هەنای داوای قاقەزەیل ماشینەگە کردن، توومەتبارەگە وت گوایە من ئەفسەرم وە پلەی عەمید لە سوپای عراق، و دویای داواکردن بەڵگەی فەرمی دەرکەفت ک درووکانییە، و گشت ریکارە یاساییەگان وەدژی بریان.