شەفەق نیوز/ فەرماندەیی پولیس بەغداد، ئمڕوو چوارشەممە، خەوەردا لە دەسگیرکردن توومەتباریگ لەوەر چەقووکیشان وەبان خوشکەیلی، لە ئەنجام مرافەیگ خیزانی، باکوور خوەرهەڵات بەغداد.
راگەیانن پولیس بەغداد/ رەسافە لە بەیاننامەیگ رەسیە ئاژانس شەفەق نیوز وت: دویای رەسین خەوەر زەخمداری دوو ژن لە ناوچەی حەی بساتین، مەفرەزەیگ لە پۆلیس رەسافە وە هاوکاری ئەو دەزگایل ئەمنی، رەسینە شوین رویداوەگە و دەرکەفت کە دوو ژن وە چەقوو زەخمداری کریانە وە دەس برایان ئەوەیش لەبان مرافەیگ خیزانی، و براگە وەرەو شوین نادیاریگ وایە.
وتیش: زانیاری گردەو کریا، و کەفتنە نووڕستن کامیرایل تا بڕەسنە تاوانکار و شوینی دیاری بکەن، و دویای وەشوینکەفتنی لە ناوچەی فەسڵ دەسگیر کریا، و ریکارەیل یاسایی وەگەردی جیوەجی کریەێد.