شەفەق نیوز ـ ذی قار / میسان
سەرچەوەیگ ئەمنی، ئمڕوو چوارشەممە، خەوەردا کە هێزیگ ئەمنی، وەگەرد تیمگ لە دەسەی پاکسازی (دەستەی نزاهە)، کوتانەس بان بارەگا شارەوانی ناسریە، و وەرپرس بەش مولک و چوار فەرمانبەر لە بەش داهاتەیل دەسگیرکردن.
سەرچەوەگە وە ئاژانس شەفەق نیوز وت: پرۆسەگە وەپای فەرمانەیل گرودن قضائی وە لایەن دادگای لێکۆڵینەوە دەسپاکی لە ذیقار ئەنجام دریا، وەبی ئەوەگ هویردەکاری زیاتر ئاشکرا بکریەێد لە بان ئەو توومارەیلە کە دریانە پاڵ کەسەیل دەسوەسەرکریاگ.
لە باوەتیگ پیوەنیدار، دەسەی دەسپاکی فیدراڵی راگەیان، کابرایگ دەسگیرکریا خوەی کردیەس وە ئەفسەر لە بەش جەنگ دژ تاوانەیل لە پارێزگای میسان، و دیاریکرد کەفتیەسە ناو کارەیل چزداین داوای بەرتیلکردن لە هاوڵاتیەیل.
دەسەگە لە بەیاننامەیگ رەسیە ئاژانس شەفەق نیوز ئاشکرایکرد، تیم مەیدانی لە نویسینگەی لێکۆڵینەوە میسان، و وەپای مەزەنەی دادوەری، چاودێری توومارکریاگە کرد دویای ئەوەگ ئەو کابرا خوەی کردیەس وە ئەفسەر لە دژە تاوان دەرچگە داوای بەرتیل لە هاوڵاتیگ کەێد و چزی دەێد، هەمیش زانیاری هەس کەفتیەسە ناو کارەیل ساختەکردن پویل و دەرچگن فەرمان گردن لە دژی.
وتیش؛ توومەتبارەگە داوا لە هاووڵاتییەگە کرد بڕ 15 ملیۆن دینار بدەێد وەرانوەر لەناوبردن کاغەزەیل لێکۆڵینەوە کە بانگەشەی بونیان کرد لە لای خوەی، و دیاری کرد کە تیم دەسەگە کوڵەی قایمیگ دانا و توەنست وەخت وەرگردن بەشیگ لە پویلەگە دەسگیریبکەێد.
دەسەگە دیاریکرد ئەرا رێکخسن گردن رێکار یاسایی و پیشکەشکردن توومەتبار لە وەر دەم دادوەر دادگای لێکۆڵینەوە تایبەتمەن لە باوەت دۆسیەیل دەسپاکی لە میسان، کە بڕیار دا زیندانیبکرێد وەپای سزایەیل بڕیا 160 ساڵ 1983.