شەفەق نیوز ـ بەغدا
دەرگای ئەمنی نیشتیمانی لە عراق، ئمڕوو سێشەممە، راگەیان 301 توومەتبار لە 8 دۆسیەی ئەمنی و تاوانەیل جیاواز دەسگیرکریانە لە مانگ حوزەیران.
دەزگاگە لە بەیاننامەیگ رەسیە ئاژانس شەفەق نیوز راگەیان "26 کەس وە توومەت تیرۆرستی، 57 کەس بازرگان و بڵاوکەر هووشبەر، 101 توومەتبار وە چزداین و هەڕەشە، و 41 کەس توومەتبار وە تاوانەیل خەڵەتانن دەسگیرکردن".
وتیش، "15 توومەتبار دەسگیرکریان لەوەر پەیوەنیکردن وە بزوتنەوە توندڕەوەیل، و 48 توومەتبار وە پەیوەنیداشتن وە حیزب بەعس قەیەغەکریاگ و بانگەشەکردن ئەرای، و 5 توومەتبار وە بازرگانیکردن مرۆڤ، و 8 توومەتبار وە قاچاخکردن پێکهاتە نەفتیەیل دەسگیرکریانە".
دیاریکرد "352 تەن مادەی خوەراکی مادە وەسەرچگ و قەیەغەکریاگ دەس وەبانیان گیریاس و لەناوبریانە، 80 شوین و نوین بازرگانی سەرپیچیکەر یاسا و تەمەیل بەسیانە".