شەفەق نیوز - بەغداد

دەسەی دەسپاکی فیدراڵی، ئمڕوو یەکشەممە، خەوەر دا لە  دەستگیرکردن ئەرا جێگر وەڕێوەبەر کۆمەڵگەی دانەوێڵەی ئیسحاقی لە پارێزگای سەڵاحەدین وە مدوو داواکردن بەرتیل و سوود لە وەرانوەر پێشلکردن ئەرکەیل کاری خوەی.

دەسەگە لە بەیاننامەیگ فەرمی دیاریکرد  تیمیگ لە لێکۆڵەرەیل و فەرمانبەرەیل نویسینگە لێکۆڵینەوەی سەڵاحەدین  توانستن جێگر وەڕێوەبەر کۆمەڵگەی دانەوێڵەی ئیسحاقی دەسگیر بکەن، دویای رەسێن زانیاریەیل لەبان وەڕێوەبەرایەتی هەواڵگری سەڵحەدین، لەبان ئەوەگ توومەتبارەگە داوای باج لە جووتيارەیل کردیە و بڕیگ پول لەلیان وەرگردیە لەوەرانوەر فرووشتن و وەرگردن بەرهەم گەنم فرووشیاگەیل.

وتیش، توومەتبارەگە دەسکاری لە جویرەیل گەنم کردیە و گەنم بەدیگ کە خڵتەی لەناوی بوی وەرگردیە، دیاریکرد ئەرا  ئەرا داننان توومەتبارەگە وە وەرگرتن بڕیگ پویل، و رێککەفتن وەگەرد جفتکارەیل ئەرا فرووشتن چەن ماشینەیل بارکریاگ وە  گەنم و ئاڵشتکردن جویرەیلیان  لەوەرانوەر وەرگردن بڕیگ پویل، هەمیش دیاریکرد ئەرا بڕیار دادوەر دادگای لێکۆڵینەوەی سەڵاحەدین تایبەتمەن وە نوڕین کەیسەیل دەسپاکی وە دەسوەسەرکردن توومەتبارەگە، وەپای سزایەیل مادەی (307) لە یاسای سزادان.