شەفەق نیوز/ دەزگای دەسپاکی لە هەرێم کوردستان، ئمڕوو چوارشەممە، راگەیان ئامادەبۊن یاسای ستڕاتیژ نیشتمانی دژوە گەندەڵی ئەرا ئاست جیوەجیکردن، دۊیای یەک مانگ لە بڵاوکردنی لە رووژنامەی وەقایع کوردستان.
ئەحمەد ئەنوەر سەرۆک دەزگاگە لە کۆنگرەیگ رۆژنامەوانی لە بینای دەزگاگە لە هەولێر و ئاژانس شەفەق نیوز ئامادەی بۊی وت: ستڕاتیژ دژوە گەندەڵی ئامادە بۊی، دۊیای ئەوە ک راسەوکردن لەلی کریا، لە رووشنایی ئەو تێنینیەیلە ک لەلایەن حکومەت و وەزارەتەیل هەرێم کوردستان رەسینە دەزگاگە.
وتیش: ئەرا زیاتر لە یەک ساڵ کار لەبان ئی ستڕاتیژی وە پەنابردن وە پسپۆڕەیل ناودەڵەتی لە نەتەوە یەکگرتگەیل کردن، و لە هەفتەی گوزەیشتە لەلایەن ئەنجومەن وەزیرەیل حکومەت هەرێم کوردستان واژوو کریا.