شەفەق نیوز - بەغدا

دەسەی دەسپاکی فیدراڵی، ئمڕوو سێشەممە، خەوەردا لە جیوەجییکردن فەرمان دەسگیرکردن لەبان وەڕێوەبەر وەرین دابەشکردن کارەبای موسەننا و 12 توومەتبار، لە دۆسیەی زەرەرڕەسانن وە دارایی گشتی وە زیاتر لە شەش ملیار دینار.

دەسگەگە لە بەیاننامەیگ فەرمی راگەیان، تیم کار مەیدانی لە نویسینگەی لێکۆڵینەوەی موسەننا، توانس دویای وەدویاچگن و هویردنوڕین و چگنە ئەرا کۆمپانیای گشتی بەشکردن کارەبای باشوور / لق موسەننا و بنکەی خاسکردن بەش گەورەگە، لە دەسنیشانکردن وەهەدەردان بڕ (6,150,000,000) شەش ملیار و سەت و پەنجا ملیۆن دینار، و ئاشکرا کرد کە فەرمانگەی دابەشکردن کارەبا لە پارێزگاگە هەڵسیاس وە سەنن کەرەسەیل کارەبایی وە بڕ هشارەکریاگ، بی هەوەجەی راسکانی وەپی.

 وەڕێوەبەر وەرین فەرمانگەگە وەگەرد توومەتبارەیل ترەک لە ساڵ 2024 هەڵسیانە وە سەنین بڕیگ لە کەرەسەیل کارەبایی دویای دەسکاریکردن لە بڕ یەکەی پەیمانە و داواکارییەیل سەنن پێشکەشکریاگ؛ ئەرا مەبەست پووشین و سەنن گەپترین شمارەی کریاگ لە بۆردەیل، و دیاریکرد  بڕیگ گەورە لەلیان بی وەکارهاوردن مەنن و دانەنانیان تا ئیسە، و بای لەوەشکرد 48 بۆرد چاکسازی کارگەی توانا لە ناو ئەو جویرەیلە کە سەندریاس و کریاسە ناو کۆگا سپاریاسە ئەممار کەرەسەیل وەکارهاتگ، و کەرەسەیل سپاریاگ لە کۆگاگە دەسوەبانیان گیریا، و دەسگیریا وەبان مامەلەی خەرجکردن تایوەت وە سەنین کەرەسەی پانێڵ جفت".

بەیاننامەگە دیاریکرد، دادوەر دادگای لێکۆڵینەوەی دەسپاکی لە موسەننا، بڕیار دا وە زیندانیکردن وەڕێوەبەر وەرین دابەشکردن کارەبای موسەننا و 12 فەرمانبەر، کە ئەوانە: دوو وەڕێوەبەر وەرین هەشمارەیل وەڕێوەبەرایەتیگە و فروشتن، و وەرپرسەیل هۆبەی هویردنوڕین ناوخوەیی و وێستگەیل و ئەمار کەرەسەیل وەکارهاتگ و ئەندامەیل لیژنەی سەنین، وەپای سزای مادەی (340) لە یاسای سزادان، و دەرکردن فەرمان دەسگیرکردن و وشکین لەبان  سێ فەرمانبەر ترەک، لە ناوەیان وەڕێوەبەر وەرین هەشمارگەی وەڕێوەبەرایەتیگە، و قەیەغەکردن گەشت لە گشت توومەتبارەیل؛ وە مدوو زەرەرڕەسانن ئەنقەست وە دارایی و بەرژەوەنی ئەو لایەنە کە کار ئەرا کەن.