شەفەق نیوز- بەغدا

دەسەی دەسپاکی فیدراڵی، ئمڕوو چوارشەممە، وەردەوامبوین وەدویاچگا و مینەکردن و لێکۆڵینەوەیلی لە باوەت زیایبون  پویڵ و دەستکەفت ناڕەوا وەلای تاوانبار دەسوەسەرکریاگ جێگر وەڕێوەبەر وەڕێوەبەرایەتی توومارکردن موڵک و ماڵ لە سەڵاحەدین راگەیان.

دەسەگە لە بەیاننامەیگ وت: وەپای زانیارییەیل هاتگ لە ئی دۆسیە، تیمیگ پێکهات لە نویسینگەی لێکۆڵینەوەی سەڵاحەدین، لەدویای توومارکردن دانوەپینانەیل تاوانبار شوی تاوانبار جێگر وەڕێوەبەر وەڕێوەبەرایەتی توومارکردن موڵک و ماڵ لە سەڵاحەدین، و لەدویای ئەنجامدان مینەکردنەیل هەوەجەکریاگ، توەنستن بڕەسنە تەڵایەیل کە لە ماڵ تاوانبارەگە وە دەس خوشکەگەی ئەرا ماڵ کەسیگ کلکریاس.

ئاشکرایکرد، تیمەگە لەدویای وەرگردن بڕیار دادوەر دادگای لێکۆڵینەوەی سەڵاحەدین کە تایوەتە وە دۆسیەی دەسپاکی، دەسگرد وەبان 5.250 کیلوگرام تەڵای توومەتبار.

دەسەگە لە 30 ئاب گوزەشتە راگەیاندبوی لەبارەی گردن شوی تاوانبار دەسوەسەرکریاگ جێگر وەڕێوەبەر وەڕێوەبەرایەتی توومارکردن موڵک و ماڵ لە سەڵاحەدین، و دەسگردن بەڵگەیل و سندەیل 95 موڵک کە بەشەوبووین لە ناوەین بەغدا و دیالى و سەڵاحەدین، و 31 بەیاننامەی مۆرکریاگ چەرمگ و لابتۆبەیل و پویڵ و تەڵایەیل لە ماڵ تاوانبارەگە.