شەفەق نیوز/ دوو سەرچەوەی ئەمنی لە دیالە و سەڵاحەدین، ئمڕوو شەممە، خەوەردان لە خنکیان گەنجیگ لە بەنداو دەربەندیخان، و زەخمداری سەربازیگ لەناو مرافەیگ وەرد هاوڕیەیلی.
سەرچەوەیگ ناوخوەیی لە دیالە ئەرا ئاژانس شەفەق نیوز وت: گەنجیگ لەناو بەنداو دەربەندیخان لە هەرێم کوردستان مەوقەی تەقەلای مەلوانیکردن خنکیا.
وتیش: گەنجەگە خەڵک دیالەس هاتیەسە گەشتیاری، وتیش؛ تەرمەگەی دراوردنە و ریکارەیل جیوەجی کردنە.
لە رویداویگتر، سەربازیگ لەناو مرافەیگ وەرد هاوڕیەیلی لە دەورگرد قەزای دووزخورماتوو خوەرهەڵات سەڵاحەدین زەخمدار بوی.
سەرچەوەیگ ئەمنی لە سەڵاحەدین ئەرا ئاژانس شەفەق نیوز وت: مرافەیگ کەفتە ناوەین ئەندامەیل خاڵیگ ئەمنی لە لیوای ٥٢ سوپای عراقی، ناوەین ئاوای شاه سێوان و فڕۆکەخانەی سدیق لە دەورگرد دووزخورماتوو، وتیش؛ لێکۆڵینەوە لە رویداوەگە واز کریا.